Sejarah Singkat Kampung Warak (Bahasa Jawa)

Kampung Warak

Kampung warak inggeh menika dumunung ing kelurahan dukuh, kecamatan sidomukti,kota salatiga lan kahananipun tasih asri lan sejuk amergi kampung warak wonten ing gumuk lan kagungan kebon ingkang dipuntanemi wit-witan kang ageng. Kampung warak saget ngklangkungi 2 jalur inggeh menika saking grogol lan ngawen.

Antaranipun kampung warak lan ngawen enten situs sejarah ing kang dipitados damel cikal bakal kampung warak. Situse inggeh menika asmanipun punden warak.

Diceritaaken kaleh mbah martono, sesepuh ing kampung warak ingkang dados kuncen punden warak, asal mulanipun warak inggeh menika dhawahipun badak utawi warak wonten ing sumur. Mbah martono inggeh menika ingkang nggantosaken mbah sutarman ingkang sampun sedo tahun 2013.

Diceritaaken ing zaman para wali ing wektu wewengkon warak taseh dados gung liwang tiwung,enten badak utawi warak ingkang ajeng ngunjuk wonten ing sumur, mandar dhawah wonten ing sumur, lajeng mati. Enten wong kang percoyo badak utawi warak iku jelmaan ki ageng tawangan. Ki ageng tawangan inggeh menika wong kang sekti saking kerajaan banten kang pindah ing wewengkon warak ing zaman kerajaan maja pahit, amargi kerajaan banten runtuh. Sesepuh kampung pikantuk wisek saking ki ageng tawangan kersanipun maringi asma ing kampung iku kampung warak.

Saben tahun ing wulan sapar kampung warak ngawontenaken tradisi saparan kangge ngurmati ki ageng tawangan. Tradisi saparan biasanipun disarengi besik makam, resik-resik lepen, dungo ing punden warak lan puncak acara enten pagelaran ringgit sewengi suntuk.

Sesajenipun kang dikintunaken ing punden warak arupi rokok klobot, kembang tigo werno(kembang telon), suruh, lan menyan. Sesajen niku dikintunaken dinten jumat wage lan jumat kliwon. Sami kaleh penyuwunane ki ageng tawangan.

Diceritaaken kaleh mbah martono, wektu wonten G30S teng pundi-pundi wonten penculikan,penangkapa, lan rajapati. Warga warak saget selamet. Padahal warga liya padha dados korban. Mulo menawi ajeng mplebet ing kampung warak mbeto sesaji, sami kaleh penyuwunan ki ageng tawangan. Lan akhirenipun para penculiik mbiten saget nemoaken dalan mplebet ing kampung warak.

Dugi sepriki kesakralanipun punden warak tasih dipitados para peziarah punden warak. Wiwit nyiwun jabatan, jodoh,momongan lan ugi nomor togel.